аўт, 26/06/2018
"Мне помста, я адплачу" - Бог
(Павед. Да рымлянаў)
Білі ветры ў дзверы,
Пяруны стралялі
І паганскай верай
Катаў акрылялі.
Аздаблялі мроі
Колерам чырвоным:
Братняю крывею
На траве зяленай!
Зграя шаляніцаў
Рвала з целаў сэрцы,
Каб злом наталіцца,
Каб у душу пацэліць...
Рвалі і стралялі!
Звычна, бы не людзі,
Праўду закапалі
Д`ябальскія суддзі!
Крыжная дарога,
Праведнае гора,
Ды няма ў Бога
Заўтра і ўчора!
Ехаць няма сілы,
Цемра слепіць вочы,
Стрэч шашы магільнай –
Ангел помсты крочыць!